佐敦咖哩

早幾天的重陽節假期，永安大減假當然去掃貨啦，掃完貨後去後面的吳松街搵食，望過對面，咦! 佐敦咖哩......





看過餐牌後覺得套餐抵食，同行4人，order了一個3-4人的套餐，$285送啤酒一杯(可order其他飲品) - 全部要中辣唔該



先來一個snack，脆簿餅加一個綠色的sauce，個sauce唔甜唔咸唔辣但好清爽



乾煎咖哩魚 & 咖哩雞-呢個菜做得幾好唔會太乾，落多幾滴檸檬汁,更香口!



咖哩羊肉-扯!又話中辣，一d都唔辣，唔知個waitress係咪搞錯左，但完全無羊肉的"so"味，用來送飯或簿餅一流



咖哩牛利，都係o個個咖哩汁，但牛利唔會話煮得好"鞋"，但呢個真係中辣啦!係囉，咁先至係咖哩嘛!



咖哩豬肉-呢個竟離譜左d，直頭係辣大啦，我都食到一頭煙，又係o個個汁，都煮得ok.



咖哩雜菜 - 唔會話好辣，好juice下，可以送下飯。



烤餅-不過不失，一般水準，呢個都做唔好就死得啦!

全程連加一好似三百幾，幾個waitress，有的只說英文，有的半中半英，有的只懂英文，半中半英的最難搞我地order中辣可以試齊大、中、小辣，哈哈!

還有一個用香料炒的飯，我諗唔係咁多人可以接受到，但我又ok喎!

個餐跟個飯好鬼大碟，我地4個大人都食唔晒。

地址 : 佐敦吳松街47號地下

電話 : 2780 5545